Nú er komið að árunum sem ég var hjá Steypustöð Suðurnesja.
Fyrstu 24 myndirnar í þessari syrpu eru fengnar hjá Ólafi Magnússyni en þar sem ég átti engar myndir af Krupponum þá fékk ég þær hjá honum. Krupparnir voru mjög sérstakir að því leyti að í þeim var 3ja sílindra vél, tvígengis og í lausagangi skulfu þeir svo rosalega að ef hurðin var opin þá lá við að maður dytti út úr bílunum. Annað var, að þeir voru svo þungir í stýri að á byggingarstað hjálpuðumst við bílstjórarnir við að manúera með því að setja steina eða spýtukubba fyrir hjólin. Það skal tekið fram að stýrin í þeim voru úr við!! Örlög Kruppanna urðu þau að þeir voru seldir til Dalvíkur og síðast er ég frétti höfðu þeir verið urðaðir þar... mikil synd!
Myndin hér að ofan er af vörubíl sem ég smíðaði fyrir mikinn áhugamann um steypubíla, hann heitir Egill Reynisson og var bara lítill snáði á þessum tíma.
Mjög skemmtilegar myndir. Ég vil fá meira.
Posted by: Guðjón Snæland Péturson Snælands Baldurssonar Snælandars | January 28, 2009 at 06:56 AM
Slappaðu af kúturinn það kemur meira. Annars ert þú ætíð velkominn í foreldrahús kæri sonur! HAR! HAR!
Posted by: Pétur Snæland | January 28, 2009 at 02:08 PM
Sæll kæri Pétur,
Gaman að sjá þessar myndir og góðar minningar koma í hugann. Vörubílinn á ég enn og hef hugsað vel um hann.
Kveðja til ykkar allra frá Lux,
Egill og fjsk.
Posted by: Egill Reynisson | February 02, 2009 at 02:53 PM